اعترافات خادمة هدى الشعراوي .. "خلصت عليها عشان الفلوس".. كواليس ليلة الغدر بـ "أم زكي"

 اعترافات خادمة هدى الشعراوي ..  "خلصت عليها عشان الفلوس".. كواليس ليلة الغدر بـ "أم زكي"

الست اللي كانت "بركة الشام" وروح حواريها، طلعت نهايتها على إيد غدر ما تعرفش الرحمة. التقارير الأمنية أكدت إن الخادمة (اللي شايلة جنسية أجنبية) اعترفت رسمياً بكل حاجة، بعد ما اتمسكت وهي بتحاول تهرب بره دمشق.

المجـ رمة اعترفت ببرودة أعصاب إنها استخدمت أداة حادة (مدقة هاون) وضربت الفنانة هدى شعراوي على رأسها وهي في أوضتها لوحدها. الضربة كانت قوية جداً لدرجة إن حصل نـ ـ زيف حاد وكدمات شديدة، وفارقت الحياة في وقتها.

والسبب إيه؟ الاعترافات المسربة بتقول إن الدافع كان "السرقة"؛ المـ ـ جرمة كانت بتخطط تسرق مبالغ مالية ودهب وتفص ملح ودوب، وباين إن "أم زكي" كشفتها، فما كان من الخادمة إلا إنها تنهي حياتها بدم بارد وتنفذ جــ  ـ ريمتها البشعة.

القضية دلوقتي بقت في إيد القضاء السوري، والجمهور كله مستني البيان الرسمي المفصل من وزارة الداخلية، اللي هيعرض الاعترافات الكاملة والمصورة للمجرمة، عشان كل التفاصيل تبان للرأي العام اللي لسه تحت تأثير الصدمة.

 ورجعت للأضواء تصريحات قديمة للست هدى، حكت فيها عن معاناتها النفسية الكبيرة مع "العاملات في المنزل". قالت وقتها بمرارة: "أنا مش عصبية بطبعي، أنا بحب الهزار والغنا والرقص، بس الضغوط هي اللي غيرتني".

وقالت إنها اتعاملت مع 13 شغالة، وإن آخر واحدة فيهم تعبتها جداً بسبب صعوبة التواصل واختلاف العادات.

وحكت قصة غريبة جداً، عن واحدة فضلت 8 شهور تكلمها بالإنجليزي، وفي الآخر اكتشفت إنها بتعرف عربي ومخبية عليها!

 ورحلت هدى شعراوي "أم زكي" عن عمر 87 سنة، بعد مسيرة فنية طويلة خلتها ركن أساسي في كل بيت سوري وعربي. الخبر هز دمشق من شرقها لغربها، والكل بيسأل بوجع: "ليه تكون دي النهاية؟".